Te guarde quanno chiove
te guarde ‘co Sole
te guarde ‘ca luna
che stelle
quanno ‘e nuvole se fanne assaje, assaje
e nce scumpare ‘o sole.
Me piace sempe
me piace ‘a matina
quanno ‘o mare a vote calmo a vote mosso
te dice, bbòna jurnata piccerè
e tu ca vive n’ata jurnata cumme poche
bella,janca, pure ‘a neve
te fa cchiù bella sta muntagna toja
e ‘na fenesta affacciate ncoppo ‘o mare
‘e Marechiaro sente a sempe ‘e voce ‘de serene.
Tre figlie toje cchiù piccerelle
ca ‘e guarde ‘da luntano
cumme ‘na mamma fa che criature a mmare
te diceno stamme ccà,nun te preoccupà,
sì oggi ‘o mare è tempestuso
ma nuje sapimme stà pure accussì.
E chella preta ‘e tufo enorme
ca sponta a miezo ‘o mare illuminato
ca è ‘o Castel dell’ovo
regala n’emozione ca nun se po’ spiegà.
Sì bella,ma accussì bella mammà ,
si te chiamme mammà
cumme fa chi te vò bene overo
chi te rispetta senza te trattà male
senza spurcarte cu carte pe terra
e senza tenè scuorno
guardanne chesti piazze,
sti vicule stritte
cumme sti lacce ca me ‘ncatenane a te
e nun me ne fanno partì luntane.
Sì mamma,nnammurata e malatia ‘pe sempe
Sì Napule, forse…..
‘o primmo e vero ammore mije…
Salvatore Pasquale